#ការប្រើសេវាហិរញ្ញវត្ថុក្រៅផ្លូវការ

ធនាគារជាតិនៃកម្ពុជាបានគូសបញ្ជាក់ថា ការប្រើប្រាស់សេវាហិរញ្ញវត្ថុក្រៅផ្លូវការបានបង្កផលវិបាកជាច្រើនមកលើសេដ្ឋកិច្ចនិងសង្គម ជាពិសេសអាចធ្វើឲ្យប្រជាពលរដ្ឋវ័ណ្ឌកជាមួយបំណុលដ៏ច្រើនលើសលប់ ដ្បិតវាមានអត្រាការប្រាក់ខ្ពស់។ ក្រៅពីបង្កើតឲ្យមានការគំរាមកំហែងនិងការអនុវត្តកិច្ចសន្យាមិនសុចរិត ការប្រើប្រាស់សេវាហិរញ្ញវត្ថុក្រៅផ្លូវការ ក៏បានជះឥទ្ធិពលដល់ស្ថិរភាពហិរញ្ញវត្ថុ ជំនឿទុកចិត្តរបស់សាធារណជន និងការរីកចម្រើននៃវិស័យធនាគារនៅកម្ពុជាទាំងមូលផងដែរ។