#ការរាតត្បាតកូវីដ១៩

ប្រជាជនឡាវប្រហែលជាង ២០០០នាក់ បានធ្វើដំណើរទៅកាន់ខេត្ត ណងខែ(Nong Khai)របស់ប្រទេសថៃជារៀងរាល់ថ្ងៃ បន្ទាប់ពីច្រកព្រំដែនថៃ-ឡាវមួយនេះ បានបើកដំណើរការឡើងវិញ ក្រោយបិទខ្ទប់ដោយសារការរាតត្បាតកូវីដ១៩។ ក្រោយការបើកព្រំដែនឡើងវិញ ការិយាល័យគយខេត្ត Nongkhai បានឲ្យដឹងថា មានជនជាតិថៃមួយចំនួនបានរត់ពន្ធប្រេងឥន្ធនៈចូលទៅក្នុងប្រទេសឡាវ ដើម្បីរកប្រាក់ចំណេញពីការលក់ប្រេងនៅទីនោះ ស្របពេលដែលឡាវកំពុងជួបប្រទះវិបត្តិខ្វះខាតប្រេងយ៉ាងខ្លាំងនាប៉ុន្មានខែកន្លងមកនេះ។ នេះបើតាមការចុះផ្សាយដោយសារព័ត៌មានថៃបាងកកប៉ុស្តិ៍។