#ការសាងសង់បង្គោលអង់តែន

ការសាងសង់បង្គោលអង់តែននៅតាមតំបន់ទេសចរណ៍ដាច់ស្រយាល ដែលជាយន្តការជួយសម្រួលដល់ការប្រើប្រាស់សេវាទូរសព្ទ និងអ៊ិនធឺណិតរបស់ភ្ញៀវទេសចរជាតិ និងអន្តរជាតិអាចនឹងរួចរាល់នៅអំឡុងឆ្នាំ២០២៤។ នេះបើតាមការវាយតម្លៃរបស់មន្ត្រីជាន់ខ្ពស់នៃក្រសួងប្រៃសណីយ៍និងទូរគមនាគមន៍ ដែលបានបន្ថែមថា ក្នុងចំណោមបង្គោលអង់តែនទាំងនេះ មានការសាងសង់បង្គោលអង់តែនថ្មីទាំងស្រុងចំនួន៩០បង្គោល និង១០ផ្សេងទៀតគ្រាន់តែបំពាក់ឧបករណ៍បង្កើនគុណភាពសេវាលើស្ថានីយអង់តែនដែលមានស្រាប់។