#ការសាងសង់ស្ពានឆ្លងទន្លេចំនួន ៣បន្ថែម

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា អះអាងថា កម្ពុជានឹងមានការសាងសង់ស្ពានឆ្លងទន្លេចំនួន ៣បន្ថែមទៀត នៅពេលខាងមុខនេះ ដែលក្នុងនោះរួមមាន ស្ពានឆ្លងកាត់ទន្លេមេគង្គត្រង់ខេត្តក្រចេះ, ស្ពានមិត្តភាពកម្ពុជា-សាធារណរដ្ឋកូរ៉េ (ពីចំណុចផ្សារចាស់-ជ្រោយចង្វារ, ជ្រោយចង្វារ-អរិយក្សត្រ) និងស្ពាននៅតំបន់ល្វាឯម ជាប់ជាមួយផ្លូវល្បឿនលឿនភ្នំពេញ-បាវិត។ សម្តេចបានគូសបញ្ជាក់ទៀតថា ពិធីបើកការដ្ឋានសាងសង់ស្ពានឆ្លងទន្លេមេគង្គនៅខេត្តក្រចេះ នឹងត្រូវធ្វើឡើងមុនគេ ដោយអាចនឹងរៀបចំធ្វើឡើងនៅថ្ងៃទី ២ ឬទី៦ ខែមករា ឆ្នាំ២០២៣ខាងមុខនេះ។