#កិច្ចព្រមព្រៀង CKFTA

រដ្ឋមន្ត្រីក្រសួងពាណិជ្ជកម្មកម្ពុជាអះអាងថា កិច្ចព្រមព្រៀងពាណិជ្ជកម្មសេរីកម្ពុជា-កូរ៉េខាងត្បូង នឹងចូលជាធរមាននៅថ្ងៃទី០១ ខែធ្នូ ឆ្នាំ២០២២។ បន្ទាប់ពីកិច្ចព្រមព្រៀងនេះចូលជាធរមាន ភ្លាមៗកម្ពុជានឹងអាចនាំចេញទំនិញទៅកាន់កូរ៉េខាងត្បូងបានក្នុងអត្រាពន្ធគយសូន្យ ក្នុងចំនួនជាង ៩២% នៃបន្ទាត់ពន្ធគយឯណោះ។ តាមរយៈកិច្ចព្រមព្រៀងនេះ ក្រសួងពាណិជ្ជកម្មកម្ពុជារំពឹងថា នឹងបង្កើនទំហំពាណិជ្ជកម្មរវាងប្រទេសទាំងពីរ និងងបង្កើតកាលានុវត្តភាពនាំចេញថ្មីៗបន្ថែមទៀតសម្រាប់កម្ពុជាផងដែរ។