#កិច្ចព្រមព្រៀង​អា​សិប

រដ្ឋមន្ត្រីក្រសួងពាណិជ្ជកម្ម បន្ដជំរុញឲ្យវិស័យឯកជនចាប់យកឱកាស និងទាញយកផលប្រយោជន៍ជាអតិបរមារពីការបើកច្រកទីផ្សារក្រោមកិច្ចព្រមព្រៀងអាសិប ក្រោយចូលជាធរមានកាលពីថ្ងៃទី០១ ខែមករា ឆ្នាំ២០២២ កន្លងទៅ។ តួយ៉ាងថ្មីៗនេះ ក្រសួងពាណិជ្ជកម្ម បានប្រកាសបើកកម្មវិធីសិក្ខាសាលាថ្នាក់ជាតិជាសេរីលើកទី១ ស្តីពី «ការយល់ដឹងអំពីកិច្ចព្រមព្រៀងអាសិប និងនីតិវិធីសម្រាប់ការស្នើសុំវិញ្ញាបនបត្របញ្ជាក់ដើមកំណើតទំនិញតាមប្រព័ន្ធស្វ័យប្រវត្តិកម្ម» ដើម្បីបញ្ជ្រៀបការយល់ដឹង និងព័ត៌មានដល់ វិស័យឯកជន ធុរកិច្ចជន ផលិតករ និងអ្នកនាំចេញជាដើម។