#កិច្ចប្រជុំទាំងនេះ អាចជួយបញ្ចៀសភាពតានតឹង

អស់រយៈពេល១២ថ្ងៃក្នុងខែវិច្ឆិកានេះ តំបន់អាស៊ីអាគ្នេយ៍បានក្លាយទៅជាចំណុចកណ្តាល ជាទីលានដែលមេដឹកនាំមហាអំណាចធំៗមកជំនុំគ្នា និងខ្លះថែមទាំងប្រឈមមុខដាក់គ្នាថែមទៀត។ ជាក់ស្តែង មេដឹកនាំមកពីសហរដ្ឋអាមេរិក ចិន ឥណ្ឌា និងប្រទេសផ្សេងទៀតបានជួបប្រជុំគ្នាក្នុងតំបន់សម្រាប់កិច្ចប្រជុំកំពូលចំនួន៣។ ចំណុចគួរកត់សម្គាល់មួយ គឺនៅត្រង់ថា ភាគីរុស្ស៊ីកាន់តែឯកោជាងមុនទៀតក្នុងកិច្ចប្រជុំទាំងបី ដោយសារតែការឈ្លានពានរបស់ខ្លួនលើអ៊ុយក្រែន។