#កិច្ចប្រជុំG20នៅឥណ្ឌា

មេដឹកនាំពិភពលោកបានប្រកាសកិច្ចព្រមព្រៀងផ្លូវដែក និងកំពង់ផែថ្មី តភ្ជាប់តំបន់ មជ្ឈិមបូព៌ា និងអាស៊ីខាងត្បូង កាលពីថ្ងៃទី៩ខែកញ្ញា នៅខាងក្រៅកិច្ចប្រជុំកំពូលG20 នៅទីក្រុងញូវដេលី។ កិច្ចប្រជុំនៃក្រុមប្រទេសសេដ្ឋកិច្ចជឿនលឿនទាំង២០ លើលោកនេះ ក៏បានសម្រេចចេញសេចក្តីប្រកាសរួមគ្នាមួយផងដែរ ដោយឱ្យរដ្ឋទាំងអស់គោរពគោលការណ៍ច្បាប់អន្តរជាតិ បូរណភាពទឹកដី និងអធិបតេយ្យភាព។ ប៉ុន្តែព្យាយាមមិនថ្កោលទោសត្រង់ៗ ចំពោះសង្គ្រាមរបស់រុស្ស៊ីនៅអ៊ុយក្រែនឡើយ។ នេះបើតាមការចុះផ្សាយដោយសារព័ត៌មានអន្តរជាតិធំៗ។