#កម្ពុជា-អាម៉េរិក

សហរដ្ឋអាម៉េរិក គឺជាទីផ្សារគោលដៅធំជាងគេបង្អស់របស់កម្ពុជា ដោយបានក្ដោបរហូត ៤០% នៃការនាំចេញសរុប ដែលគិតជាទំហំទឹកប្រាក់ជិត ៩ពាន់លានដុល្លារ ខណៈសហភាពអឺរ៉ុប ជាទីផ្សារនាំចេញធំទី២ ដែលមានចំណែក ១៨%។ រីឯ តំបន់អាស៊ាន បានក្លាយជាទីផ្សារគោលដៅទី៣ របស់កម្ពុជា ដែលបានក្ដោប ១៥% នៃការនាំចេញសរុប។ នេះបើយោងតាមរបាយការណ៍របស់ក្រសួងពាណិជ្ជកម្មកម្ពុជា។ យ៉ាងណាមិញ អ្នកជំនាញសេដ្ឋកិច្ច ជឿជាក់ថា នៅឆ្នាំ២០២៣នេះ អាម៉េរិកក៏នៅតែជាគោលដៅនាំចេញសំខាន់របស់កម្ពុជា ជាពិសេសផលិតផលសម្លៀកបំពាក់តែម្ដង។