#កម្ពុជា-អារ៉ាប៊ីសាអូឌីត

ប្រទេសអារ៉ាប៊ីសាអូឌីត នឹងបើកស្ថានទូតប្រចាំប្រទេសកម្ពុជានាពេលខាងមុខនេះ ដើម្បីពង្រឹង និងពង្រីកកិច្ចសហប្រតិបត្តិការលើវិស័យការទូត កីឡា អប់រំ និងសដ្ឋកិច្ច ពាណិជ្ជកម្មជាដើមឲ្យមានការកើនឡើងបន្ថែមទៀត។ ការលើកឡើងអំពីផែនការ នឹងបើកស្ថានទូតរបស់ប្រទេសអារ៉ាប៊ីសាអូឌីតប្រចាំប្រទេសកម្ពុជានេះ ធ្វើឡើងនៅក្នុងជំនួបរវាងឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្មកម្ពុជា ជាមួយនឹងព្រះអង្គម្ចាស់ អាប់ដុលឡាស៊ីស រដ្ឋមន្ត្រីក្រសួងកីឡាអារ៉ាប៊ីសាអូឌីត នាថ្ងៃទី ៤ ខែតុលាឆ្នាំ២០២២។