#កម្ពុជាផលិតអំបិលបានជាង៨ម៉ឺនតោន

អាកាសធាតុឆ្នាំនេះហាក់អំណោយផលល្អដល់ដំណើរការផលិតអំបិលរបស់ប្រជាកសិករនៅខេត្តកំពត និងកែប ដែលត្រូវបានគេវាយតម្លៃថា ទិន្នផលអំបិលឆ្នាំនេះទំនងជាអាចឆ្លើយតបនឹងតម្រូវការប្រើប្រាស់ក្នុងស្រុក។ ជាក់ស្តែង នៅក្នុងរយៈពេលជាង៥ខែកន្លងមកនេះ កម្ពុជាផលិតអំបិលបានជាង ៨ម៉ឺនតោនហើយ កើនឡើងជាង៥ម៉ឺនតោនបើធៀបនឹងទិន្នផលអំបិលកាលពីឆ្នាំមុន។ ការកើនឡើងនេះ ត្រូវបានថ្នាក់ដឹកនាំនាយកដ្ឋានកិច្ចការសិប្បកម្ម នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍អះអាងថា គឺដោយសារឆ្នាំនេះ មានការអំណោយផលល្អពីអាកាសធាតុ។