ពលរដ្ឋនៅតំបន់ស៊ីនជាំង និងក្រុងប៉េកាំង នាំគ្នាងើបឡើងប្រឆាំងតវ៉ានឹងវិធានការណ៍បិទខ្ទប់របស់រដ្ឋអំណាចចិន
ដោយ
កំហឹង និងការមិនពេញចិត្តជាសាធារណៈនៅក្នុងប្រទេសចិនចំពោះការបង្កើនវិធានការបិទខ្ទប់ ដើម្បីទប់ទល់នឹងរលកថ្មីនៃកូវីដ១៩នៅទូទាំងប្រទេស នាំឱ្យផ្ទុះចេញជាការតវ៉ាដ៏កម្រមួយ នៅក្នុងតំបន់ស៊ីនជាំងប្រទេសចិន និងក្នុងតំបន់មួយចំនួននៃទីក្រុងប៉េកាំងផងដែរ។ ការតវ៉ាធ្វើឡើងស្របពេលដែល ករណីឆ្លងកូវីដ១៩ក្នុងប្រទេសចិនបានកើនឡើងដល់រាប់ម៉ឺនករណី នៅប៉ុន្មានថ្ងៃចុងក្រោយ ដោយបានបង្កើតជាកំណត់ត្រាឆ្លងថ្មីៗផងដែរ។ នេះបើតាមការចេញផ្សាយរបស់ទីភ្នាក់ងាររ៉យទ័រ។