#កម្មករនៅអឺរ៉ុប

សហជីពកម្មនៅអឺរ៉ុបនៅថ្ងៃចន្ទដើមសប្តាហ៍នេះបានអំពាវនាវ ឱ្យគណៈកម្មការអឺរ៉ុបកំណត់យកសីតុណ្ហភាពជាអតិបរមាមួយ សម្រាប់អនុញ្ញាត ឬមិនអនុញ្ញាតឱ្យកម្មករធ្វើការនៅខាងក្រៅក្រោមកំដៅថ្ងៃ ព្រមទាំងកំណត់ម៉ោងការងារតិចជាងមុន នៅពេលណាមានរលកកំដៅក្តៅខុសពីធម្មតា។ ការអំពាវនាវនេះធ្វើឡើងបន្ទាប់ពីមានកម្មករ៣នាក់បានស្លាប់បាត់បង់ជីវិត អំឡុងពេលបំពេញការងារក្រោមរលកកំដៅដ៏ហួតហែងកាលពីសប្តាហ៍មុន ក្នុងទីក្រុងម៉ាឌ្រីដ ប្រទេសអេស្បាញ។ នេះបើយោងទៅតាមសេចក្តីរាយការណ៍ពីទីភ្នាក់ងារសារព័ត៌មានបារាំង AFP។