#កំណើនថាមពលពិភពលោក

តម្រូវការថាមពលសកលបានកើនឡើង ១% កាលពីឆ្នាំមុន ហើយកំណើនថាមពលកកើតឡើងវិញ ដែលដល់កម្រិតខ្ពស់បំផុត ពុំបានផ្លាស់ប្តូរភាពលើសលុបនៃឥន្ធនៈហ្វូស៊ីលឡើយ។ ឥន្ធនៈហ្វូស៊ីលនៅតែមានចំណែក ៨២% នៃការផ្គត់ផ្គង់ថាមពលនៅលើពិភពលោក។ ការនាំមុខគេរបស់ផលិតផលប្រេង ឧស្ម័ន និងធ្យូងថ្ម ក្នុងការគ្របដណ្តប់លើតម្រូវការថាមពលភាគច្រើន បានពង្រឹងឧត្ដមភាពថាមពលប្រភេទនេះបន្ថែមទៀតនៅក្នុងឆ្នាំ ២០២២ ទោះបីជាសមត្ថភាពផ្គត់ផ្គង់ថាមពលកកើតឡើងវិញមានការកើនឡើងដ៏ខ្លាំងបំផុតដែលមិនធ្លាប់មាន ក្នុងចំនួនសរុប ២៦៦ ជីហ្គាវ៉ាត់ក៏ដោយ។