#ក្នុងប្រទេសថៃ

ប្រទេសថៃ កំពុងតែប្រឈមនឹងបញ្ហាសាច់ជ្រូកឡើងថ្លៃខ្លាំង ដែលកំពុងប៉ះពាល់ដល់អ្នកលក់ និងអ្នកប្រើប្រាស់ក្នុងស្រុក។ ជុំវិញបញ្ហានេះ លោក ប្រាយុទ្ធ ចាន់អូចា បានជំរុញឱ្យក្រសួងពាក់ព័ន្ធទាំងអស់ពន្លឿនកិច្ចខិតខំប្រឹងប្រែង ដើម្បីសម្របសម្រួលដោះស្រាយបញ្ហាសាច់ជ្រូកឡើងថ្លៃនេះឲ្យបានឆាប់ ដោយហេតុថា ទាំងអ្នកប្រើប្រាស់ និងអ្នកលក់កំពុងប្រឈមមុខនឹងការកើនឡើងនៃតម្លៃសាច់ជ្រូកដូចគ្នា ខណៈដែលជាងពាក់កណ្តាលនៃកសិករចិញ្ចឹមជ្រូកនៅថៃបានបោះបង់ចោលកសិដ្ឋានចិញ្ចឹមជ្រូករបស់ពួកគេរួចហើយ ដោយសារតែតម្លៃផលិតកម្មខ្ពស់ពេក។