#កោះទេសចរណ៍

ទីបំផុតកំពង់ផែទេសចរណ៍ខេត្តកែប-កោះទន្សាយ ត្រូវបានសម្ពោធដាក់ឱ្យប្រើប្រាស់ជាផ្លូវការហើយ នៅថ្ងៃទី១៩ ខែមករានេះ ក្រោយប្រើប្រាស់ពេលចំនួន ២៤ខែ ក្នុងការស្ថាបនា និងប្រើប្រាស់ថវិកាអស់ជាង១លានដុល្លារ។ មន្ត្រីជាន់ខ្ពស់ក្រសួងសាធារណការ និងដឹកជញ្ជូនអះអាងថា កំពង់ផែទេសចរណ៍មួយនេះ នឹងរួមចំណែកដ៏សំខាន់ ក្នុងការអភិវឌ្ឍន៍ខេត្តកែបទាំងមូល ពិសេសកាន់តែអាចស្រូបទាញបន្ថែមផងដែរ នូវភ្ញៀវទេសចរទាំងជាតិ និងអន្តរជាតិ ឱ្យមកកម្សាន្តនៅខេត្តជាប់សមុទ្រមួយនេះ។