#ក្បាលម៉ាស៊ីនសេដ្ឋកិច្ច

ឈ្មោះថាអ្នកផលិតសាកល គឺត្រូវបានគេមើលរំលងហួសចេញពីប្រទេសចិនហើយក្នុងពេលបច្ចុប្បន្ន និងទៅអនាគត ចំណែកប្រទេសដែលកាន់តំណែងនេះ គឺទំនងជាប្រទេសឥណ្ឌាវិញម្ដង ស្របពេលដែលកំណើនសេដ្ឋកិច្ចរបស់មហាយក្សអាមេរិក និងចិន កំពុងមានល្បឿនយឺតខ្លាំងជាងការរំពឹងទុក។ កំណើនប្រជាជន ទីតាំងភូមិសាស្រ្ត និងគោលនយោបាយលើកទឹកចិត្តរបស់រដ្ឋាភិបាលទីក្រុងញ៊ូវដេលី គឺសុទ្ធតែជាកត្តាអំណោយផលដ៏មានសក្តានុពលរបស់ឥណ្ឌា ដែលអាចទាក់ទាញការដាក់រោងចក្រពីក្រុមហ៊ុនធំៗលើពិភពលោក។ នេះបើតាមការចុះផ្សាយរបស់សារព័ត៌មាន Bloomberg។