#ក្រោយការបើកប្រទេសឡើងវិញ

គិតមកដល់ថ្ងៃទី១ ខែវិច្ឆិកា ឆ្នាំ២០២២ មានរយៈពេល ១ឆ្នាំហើយ ដែលរាជរដ្ឋាភិបាលកម្ពុជា បានសម្រេចបើកប្រទេសពេញលេញឡើងវិញ ដើម្បីស្ដារសង្គម-សេដ្ឋកិច្ច ក្រោយមានរំខាន ពីជំងឺរាតត្បាតកូវីដ១៩។ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានគូសបញ្ជាក់ថា ការបើកសង្គម-សេដ្ឋកិច្ចឡើងវិញ បានធ្វើឲ្យសេដ្ឋកិច្ចកម្ពុជា មានកំណើនក្នុងរង្វង់ ៣% នៅឆ្នាំ២០២១ ខណៈសេដ្ឋកិច្ចកម្ពុជា បានធ្លាក់ចុះរហូត -៣,១% នៅឆ្នាំ២០២០ ដោយសារតែការរំខានដោយជំងឺឆ្លងសាកលកូវីដ១៩។