#ក្រសួងពាណិជ្ជកម្ម​ថៃ

ផលិតផលផ្លែឈើរបស់ថៃដែលនាំចេញទៅកាន់ទីផ្សារចិននៅមួយរយៈពេលចុងក្រោយនេះ បានជួបបញ្ហាផ្ទួនៗគ្នាតែម្តង។ ជាក់ស្ដែង ទើបតែត្រូវបានចិនបិទមិនឲ្យនាំចូលផ្លែមៀន មិនទាន់បានប៉ុន្មានផង ឥឡូវនេះ ផ្លែទុរេនរបស់ថៃមួយមុខទៀតហើយ កំពុងជួបបញ្ហានៅទីផ្សារចិនដូចគ្នាដែរ ពោលគឺ អាជ្ញាធរចិនបានរកឃើញថា ទុរេនដែលនាំចូលពីប្រទេសថៃ មានផ្ទុកមេរោគកូវីដ-១៩ នៅលើសម្បកកញ្ចប់។ បើទោះបីជាខាងភាគីចិន មិនបានហាមឃាត់ការនាំចូលទុរេនពីថៃ ដូចហាមឃាត់ការនាំចូលមៀនក៏ដោយ ប៉ុន្ដែ តម្រូវការផ្លែទុរេនថៃនៅទីផ្សារចិននាពេលនេះ កំពុងធ្លាក់ចុះគួរឲ្យកត់សម្គាល់។