#ក្រសួងឧស្សាហកម្មប្រើគោលនយោបាយយកអំបិលចិញ្ចឹមអំបិល

ក្រោយមើលឃើញដីស្រែអំបិល និងចំនួនអ្នកផលិតអំបិលនៅកម្ពុជាចេះមានតែមានការថយចុះពី១ឆ្នាំទៅ១ឆ្នាំ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បានដាក់ចេញគោលនយោបាយមួយ គឺយកអំបិលចិញ្ចឹមអំបិល ដើម្បីអភិរក្សដីស្រែអំបិល និងការផលិតអំបិលនៅកម្ពុជា។ តាមរយៈគោលនយោបាយដែលទទួលបានការឯកភាពពីប្រមុខរាជរដ្ឋាភិបាលនេះ អ្នកផលិតអំបិលអាចកែប្រែ ឬយកដីស្រែអំបិលរបស់ខ្លួនចំនួន១៦%ទៅបង្កើតជាតំបន់ទេសចរណ៍ ឬជួលឱ្យគេអភិវឌ្ឍន៍ ដើម្បីយកលុយមកផ្គត់ផ្គង់ការចំណាយលើការផលិតអំបិលរបស់ខ្លួន។