#ក្រុមហ៊ុន​ស្ថាប័ន​សារព័ត៌មាន

នាយករដ្ឋមន្ត្រីថៃ លោកប្រយុទ្ធ ចាន់អូចារ នៅថ្ងៃចន្ទដើមសប្ដាហ៍នេះ បានសម្រេចដកចោលនូវបទបញ្ជាហាមប្រាមរបស់លោក ចំពោះការផ្សព្វផ្សាយព័ត៌មាន ដែលអាចបំភិតបំភ័យដល់សារធារណជនក្នុងអំឡុងពេលមានជំងឺរាតត្បាតកូវីដ-១៩។ ការប្រកាសស្ដីពីការដកបម្រាមនេះ ត្រូវបានចេញផ្សាយដោយព្រឹត្ដិបត្រព័ត៌មានព្រះបរមរាជវាំងថៃ រ៉ូយ៉ាល់ ហ្គាសេត (Royal Gazette) នៅថ្ងៃអង្គារម្សិលមិញនេះ ដោយមានសេចក្ដីសម្រេចពីតុលាការស៊ីវិល ដើម្បីរារាំងការអនុវត្តបទបញ្ជារបស់លោកប្រយុទ្ធដែលបានដាក់ចេញ នាពេលកន្លងមកនេះ។