ក្រុមហ៊ុនយក្ស តូយ៉ូតា ដាក់មហិច្ឆតាផលិតរថយន្តឱ្យបានជាង ១០ លានគ្រឿងជាលើកដំបូងនៅក្នុងឆ្នាំនេះ
ដោយ
ក្រុមហ៊ុនផលិតរថយន្ត តូយ៉ូតា ម៉ូទ័រ (Toyota Motor) របស់ប្រទេសជប៉ុនកំពុងព្យាយាមបំបែកកំណត់ត្រាផលិតកម្មរបស់ខ្លួននៅឆ្នាំនេះ ដោយមានបំណងផលិតរថយន្តឱ្យបានចំនួនជាង១០លានគ្រឿងនៅទូទាំងពិភពលោក។ ការចេញមកអះអាងពី មហិច្ឆតាផលិតរថយន្ដក្នុងបរិមាណច្រើនជាងមុនេះ ធ្វើឡើងបន្ទាប់ពីក្រុមហ៊ុនយក្សរបស់ជប៉ុនមួយនេះ កាលពីថ្ងៃទី ២៩ ខែសីហាបានផ្អាករោងចក្ររបស់ខ្លួនអស់រយៈពេលប្រហែលមួយថ្ងៃ ដោយសារតែបញ្ហាប្រព័ន្ធប្រតិបត្តិការ បង្កឲ្យមានការភ្ញាក់ផ្អើលយ៉ាងខ្លាំង។