#កូរ៉េ-ចិន-អាមេរិក

ក្រុមហ៊ុនផលិតឈីបដ៏ធំមួយនៃប្រទេសកូរ៉េខាងត្បូង គឺ SK Hynix អាចនឹងពិចារណាលក់រោងចក្រផលិតឈីបអង្គចងចាំក្នុងប្រទេសចិន ក្នុងសេណារីយ៉ូអាក្រក់បំផុត ដែលអាចកើតមានឡើងចំពោះប្រតិបត្តិការរបស់ក្រុមហ៊ុនខ្លួន ដោយសារតែការរឹតបន្ដឹងថ្មីៗនេះរបស់អាមេរិកជុំវិញការនាំចេញបច្ចេកវិទ្យាផលិតបន្ទះឈីបទៅកាន់ប្រទេសចិន។ ជាមួយគ្នានេះ ក្រុមហ៊ុន SK Hynix ក៏កំពុងរងគ្រោះនៃការធ្លាក់ចុះប្រាក់ចំណេញ ដោយសារតែបញ្ហាអតិផរណាផងដែរ។ នេះបើតាមការចុះផ្សាយរបស់សារព័ត៌មានជប៉ុន Nikkei Asia។