#ម៉ាឡេស៊ីកំពុងដេញតាមឥណ្ឌូនេស៊ី

ប្រទេសម៉ាឡេស៊ីកំពុងដើរតាមលំអានប្រទេសឥណ្ឌូនេស៊ីក្នុងការប្រឹងប្រែងទាក់ទាញការវិនិយោគផ្ទាល់ពីបរទេស ខណៈដែលថ្មីៗនេះក្រុមហ៊ុនសេវាកម្មតាមគេហទំព័រអាម៉ាហ្សូន (AWS) បានប្រកាសពីគម្រោងមួយចំនួននៅក្នុងខែមីនានេះ ក្នុងការបណ្ដាក់ទុនវិនិយោគ ៦ ពាន់លានដុល្លារនៅប្រទេសម៉ាឡេស៊ីសម្រាប់រយៈពេលជាង ១៤ ឆ្នាំទៅមុខទៀត។ ប្រការនេះបានធ្វើឱ្យរដ្ឋាភិបាលម៉ាឡេស៊ីហាក់មានមោទកភាពយ៉ាងខ្លាំង ដោយចាត់ទុកគម្រោងនេះថាជាផ្លែផ្កាមួយសម្រាប់ប្រទេសខ្លួន។ នេះបើតាមការចេញផ្សាយរបស់សារព័ត៌មាន Nikkei Asia។