ថ្នាក់ដឹកនាំសហព័ន្ធស្រូវអង្ករ៖ អង្ករកម្ពុជាមានទីផ្សារល្អឆ្នាំនេះ ប៉ុន្ដែបារម្ភពីការធ្លាក់ចុះទិន្នផលស្រូវ
ដោយ
ថ្នាក់ដឹកនាំសហព័ន្ធស្រូវអង្ករកម្ពុជាអះអាងថា ទីផ្សារអង្ករកម្ពុជាបានបង្ហាញសញ្ញាវិជ្ជមានគួរឲ្យកត់សម្គាល់នៅដើមឆ្នាំ២០២២នេះ ក្រោយស្ថានភាពនៃការឆ្លងជំងឺកូវីដ-១៩ លើពិភពលោកមានភាពធូរស្បើយ គួបផ្សំកម្ពុជាទទួលបានការអនុគ្រោះពន្ធឡើងវិញលើការនាំចេញអង្ករគ្រប់ប្រភេទនៅកាន់ទីផ្សារអឺរ៉ុប។ ជាក់ស្តែង នៅក្នុងរយៈពេល៥ខែឆ្នាំនេះ កម្ពុជានាំចេញអង្ករទៅទីផ្សារអឺរ៉ុបកើនឡើងប្រមាណ៣០% ខណៈការនាំចេញទៅទីផ្សារចិន ក៏មានការកើនឡើងផងដែរ បើទោះបីមានការរឹតបន្តឹងវិធានការកូវីដ-១៩ក៏ដោយ។