#មហាបាតុកម្មទូទាំងប្រទេសនៅបារាំង

ពលរដ្ឋបារាំងជាង១លាននាក់ បាននាំគ្នាចេញតាមដងផ្លូវទូទាំងប្រទេសកាលពីថ្ងៃព្រហស្បតិ៍ទី១៩មករា ដើម្បីធ្វើបាតុកម្មប្រឆាំងនឹងកំណែទម្រង់ប្រព័ន្ធចូលនិវត្តន៍ថ្មីរបស់រដ្ឋាភិបាលលោកម៉ាក្រុង។ បាតុកម្មនេះ បានទៅបង្អាក់ដំណើរការប្រព័ន្ធដឹកជញ្ជូនសាធារណៈ សាលារៀន និងសេវាសាធារណៈជាច្រើនផ្សេងទៀត ដោយសារតែក្រុមបុគ្គលិកកម្មករ នៃវិស័យទាំងនេះសុទ្ធតែបានចូលរួមធ្វើបាតុកម្មទាំងអស់។ ក្នុងនោះ វាក៏បានបង្កការប៉ះទង្គិចគ្នារវាងបាតុករនឹងប៉ូលីសបង្ក្រាបបាតុកម្មផងដែរ។ នេះបើតាមការចុះផ្សាយដោយទីភ្នាក់ងារសារព័ត៌មានបារាំង AFP។