#មហាអំណាចនុយក្លេអ៊ែរទាំង៥

ក្រុមប្រទេសមហាអំណាចនុយក្លេអ៊ែរទាំង៥ រួមមាន ចិន រុស្សី អង់គ្លេស សហរដ្ឋអាមេរិក និងបារាំង បានព្រមព្រៀងគ្នាកាលពីថ្ងៃច័ន្ទទី០៣ មករាដើមឆ្នាំ២០២២នេះថា ការសាយភាយអាវុធនុយក្លេអ៊ែរ និងសង្គ្រាមនុយក្លេអ៊ែរ គួរតែជារឿងដែលគេត្រូវចៀសវឲ្យខាងតែបាន។ ប្រទេសមហាអំណាចទាំង៥នេះ បានអះអាងថា សង្គ្រាមនុយក្លេអ៊ែរ គឺមិនអាចមាននរណាឈ្នះបានទេ ហើយក៏មិនត្រូវឲ្យវាកើតឡើងបាននោះដែរ។ នេះបើសេចក្តីថ្លែងការណ៍រួមដ៏កម្រមួយរបស់ប្រទេសអំណាចនុយក្លេអ៊ែរទាំង៥ ត្រូវបានចុះផ្សាយដោយទីភ្នាក់ងារសារព័ត៌មានរ៉យទ័រ។