រុស្ស៊ីព្រមានថា «មនុស្សជាតិនឹងជួបហានិភ័យ» បើសិនជាប្រទេសលោកខាងលិចនៅតែបន្តដាក់ទណ្ឌកម្ម
ដោយ
អតីតប្រធានាធិបតីរុស្ស៊ី និងបច្ចុប្បន្នជាអនុប្រធានក្រុមប្រឹក្សាសន្តិសុខជាតិរុស្ស៊ី លោក ឌីមីទ្រី មេដវេដេវ (Dmitry Medvedev) បានព្រមានជាថ្មីម្តងទៀតថា ការប៉ុនប៉ងរបស់ប្រទេសបស្ចិមលោក ក្នុងការដាក់ទណ្ឌកម្មលើមហាអំណាចនុយក្លេអ៊ែរដូចជារុស្ស៊ីនេះ បាននឹងកំពុងធ្វើឲ្យ«មនុស្សជាតិទាំងមូលធ្លាក់ចូលទៅក្នុងហានិភ័យ» ដោយសារតែជម្លោះជិតប្រាំខែមកនេះ បានធ្វើឱ្យទីក្រុងនានាស្ទើរក្លាយផេះផង់ ព្រមទាំងមានមនុស្សរាប់ពាន់នាក់បាត់បង់ផ្ទះសម្បែង។ នេះបើតាមសេចក្តីរាយការណ៍ដោយទីភ្នាក់ងារសារព័ត៌មានអន្តរជាតិធំៗ។