#music

សាលាដូរតន្ដ្រី និងសិល្បៈ ស៊ីមហ្វូនី (Simphony) នឹងបើកសាខាមួយទៀតនៅផ្សារអ៊ីអន២ ក្នុងខណ្ឌសែនសុខ នៅថ្ងៃទី២៩ ខែឧសភាខាងមុខនេះ ដើម្បីពង្រីកវិសាលភាពនៃការបណ្ដុះបណ្ដាលផ្នែកតន្ដ្រីនិង សិល្បៈដល់កុមារកម្ពុជា។ អ្នកស្រី ហ៊ុន ជាឡេង នាយិកាសាលាតន្ដ្រី និង សិល្បៈ ស៊ីមហ្វូនី ដែលជាសាលាបណ្ដុះបណ្តាលតន្ដ្រីដល់កុមារកម្ពុជាដ៏លេចធ្លោមួយនៅទីក្រុងភ្នំពេញអស់រយៈពេលជិត១០ឆ្នាំមកហើយនោះ បានមានប្រសាសន៍ថា លក្ខណៈពិសេសនៅសាខាថ្មីនេះ គឺសាលាបានបញ្ចូលនូវការបង្រៀនឧបករណ៍ភ្លេងខ្មែរបុរាណ មានលក់ឧបករណ៍ភ្លេង និងសៀវភៅភ្លេងគ្រប់ប្រភេទទៀតផង។