#ឱកាស និងបញ្ហាប្រឈម

អស់រយៈពេលជិត៣ឆ្នាំមកហើយ ដែលសេដ្ឋកិច្ចពិភពលោកបានរងការរង្គោះរង្គើ ដោយសារតែជំងឺរាតត្បាតសាកលកូវីដ-១៩ រួមទាំងឥទ្ធិពលនៃវិបត្តិសង្រ្គាមរុស្សី-អ៊ុយក្រែន បញ្ហាភូមិសាស្រ្តនយោបាយសាកល និងវិបត្តិអតិផរណា។ ចង់ ឬមិនចង់ បញ្ហានេះនឹងជះឥទ្ធិពលអវិជ្ជមានមកលើសេដ្ឋកិច្ចកម្ពុជា ក៏ប៉ុន្ដែអ្នកជំនាញសេដ្ឋកិច្ចយល់ឃើញថា បញ្ហានេះមិនបានធ្វើឲ្យសេដ្ឋកិច្ចកម្ពុជា ធ្លាក់ចុះដុនដាប់ខ្លាំងពេកនោះទេ ថែមទាំងអាចឈរជើងយ៉ាងរឹងមាំផងដែរ។