#ផែនការតភ្ជាប់ផ្លូវដែក

ប្រទេសថៃ និងឡាវ កំពុងស្ថិតក្នុងកិច្ចពិភាក្សាអំពីសក្ដានុពលនៃការតភ្ជាប់ផ្លូវដែក ចិន-ឡាវ-ថៃ ដែលជាមធ្យោបាយដឹកជញ្ជូនដ៏សំខាន់មួយ សម្រាប់ប្រទេសទាំងបី។ ក្នុងនោះនាយកដ្ឋានដឹកជញ្ជូនផ្លូវដែកថៃ អះអាងថា ការតភ្ជាប់នេះ អាចកាត់បន្ថយថ្លៃដឹកជញ្ជូនទំនិញបានដល់ទៅ ៣០% ទៅ៥០%ឯណោះ ក្នុងរយៈពេល ៣ ទៅ៥ឆ្នាំខាងមុខ។ មែនទែនទៅ ផ្លូវរថភ្លើងល្បឿងនលឿនចិន-ឡាវ តម្លៃប្រមាណ ៦ពាន់លានដុល្លារ ដែលបានបើកដំណើរការជាផ្លូវការកាលពីចុងឆ្នាំ២០២១ ហើយវាបានជំរុញការដឹកជញ្ជូនទំនិញ និងអ្នកដំណើរទៅមកប្រទេសចិន-ឡាវយ៉ាងខ្លាំង។