#ផែនដីឡើងកំដៅ

ផែនដីឡើងកំដៅ អាកាសធាតុក្តៅ ភ្លើងឆេះព្រៃកំពុងរីករាលដាលនៅគ្រប់តំបន់គ្រប់ទីកន្លែងជុំវិញពិភពលោក រាប់ចាប់តាំងអឺរ៉ុប ដល់ចិន និងអាមេរិក។ នៅរដ្ឋកាលីហ្វ័រនីញ៉ា សហរដ្ឋអាមេរិក ជារដ្ឋដែលភ្លើងឆេះព្រៃតែងកើតមានជារៀងរាល់ឆ្នាំមិនដែលដាច់។ ប៉ុន្តែភ្លើងឆេះព្រៃនៅឆ្នាំនេះ បានបង្កការភ្ញាក់ផ្អើលខ្លាំងជាងរាល់ដង។ ភ្ញាក់ផ្អើលនៅត្រង់ថា ទំហំនិងកម្លាំងភ្លើងឆេះព្រៃគឺសភាពខ្លាំងក្លាជាងរាល់ដង ដែលគិតមកទល់នឹងពេលនេះ វាបានលេបត្របាក់ព្រៃឈើអស់រាប់ពាន់ហិកតា និងក្នុងល្បឿនលឿនស្លេវ។ នេះបើតាមការចុះផ្សាយដោយសារព័ត៌មានអន្តរជាតិធំៗជាច្រើន។