#ផៃថងតាន ស៊ីណាវ៉ាត្រា

លោកស្រី ផៃថងតាន ស៊ីណាវ៉ាត្រា កូនស្រីលោក ថាក់ស៊ីន ស៊ីណាវ៉ាត្រា ដែលជាបេក្ខភាពនាយករដ្ឋមន្រ្តីម្នាក់នៅពេលបោះឆ្នោត កាលពីខែឧសភា ត្រូវបានតែងតាំងជាថ្នាក់ដឹកនាំមួយរូបក្នុងគណៈកម្មាធិការរដ្ឋាភិបាល ដែលធ្វើការស្និតនឹងប្រជាពលរដ្ឋ។ តំណែងលោកស្រីមិនធំទេនៅក្នុងរដ្ឋាភិបាល ប៉ុន្តែអ្នកវិភាគបានអះអាងថា នេះជាតំណែងដ៏មានឥទ្ធិពល ដែលអាចបើកផ្លូវឱ្យលោកស្រី ក្លាយជាមេដឹកនាំរបស់ថៃនៅពេលអនាគត។