#ប៉ះពាល់ដល់វិស័យផ្សេងៗ

មន្ត្រីជាន់ខ្ពស់ក្រសួងពាណិជ្ជកម្មជឿជាក់ថា តម្លៃប្រេងឥន្ធនៈអាចនឹងបន្តកើនឡើង ឬនៅទ្រឹង ប្រសិនបើប្រទេសផលិតប្រេងធំៗលើពិភពលោកមិនបញ្ចេញប្រេង ដែលបានស្តុកទុក ហើយសង្គ្រាមរុស្ស៊ីវាយចូលឈ្លានពានអ៊ុយក្រែនបន្តអូសបន្លាយ។ សម្រាប់កម្ពុជាមិនចង់ឃើញតម្លៃទំនិញចាំបាច់ដូចជាប្រេងឡើងខ្ពស់នោះទេ ព្រោះវាអាចធ្វើឲ្យប៉ះពាល់ដល់វិស័យផ្សេងៗ ជាពិសេសទំនិញប្រើប្រាស់ប្រចាំថ្ងៃតែម្តង។ ពាក់ព័ន្ធការកើនឡើងតម្លៃប្រេងនេះ រាជរដ្ឋាភិបាលបានយកចិត្តទុកដាក់យ៉ាងខ្លាំង ខណៈបច្ចុប្បន្នកំពុងរៀបចំកន្លែងស្តុកប្រេងដែលអាចផ្គត់ផ្គង់ចន្លោះពី២០ថ្ងៃទៅ៣០ថ្ងៃ។