#ផលិតផលក្លែងក្លាយ

ខណៈដែលរាជរដ្ឋាភិបាលថៃ ខំប្រឹងប្រកាសក្តែងៗនឹងរុញច្រានវិស័យទេសចរណ៍ឱ្យក្លាយជាស្នូលសេដ្ឋកិច្ចជាតិ តែការពិតទៅបញ្ហាសន្តិសុខចំណីអាហារ និងការបណ្តែតបណ្តោយឱ្យមានលំហូរទំនិញក្លែងក្លាយ កំពុងតែដុតបំផ្លាញទំនុកចិត្តរបស់ភ្ញៀវអន្តរជាតិ យ៉ាងធ្ងន់ធ្ងរ។ ជាក់ស្តែងកាលពីពេលថ្មីៗ អង្គភាពប៉ូលិសស៊ើបអង្កេតរបស់ថៃ ក្រោមការសហការជាមួយនាយកដ្ឋានពន្ធដារ បានឆ្មក់បង្ក្រាបបណ្តាញផលិត និងចែកចាយស្រាបរទេសក្លែងក្លាយដ៏ធំមួយ ដោយរឹបអូសបានស្រាក្លែងក្លាយជាង ៦,៧០០ដបពីទីតាំងសង្ស័យចំនួន៨កន្លែងក្នុងខេត្តសំខាន់ៗចំនួន៣។