#ផ្លូវខ្សែក្រវាត់ក្រុង

គិតមកដល់ពេលនេះ រាជធានីភ្នំពេញបានពង្រីកផ្លូវខ្សែក្រវាត់ក្រុងដល់ទៅខ្សែទី៣ហើយ ដែលបាននិងកំពុងបម្រើដល់ការធ្វើដំណើររបស់ប្រជាពលរដ្ឋ ក៏ដូចជាពង្រីកវិសាលភាពសេដ្ឋកិច្ចកាន់តែទូលាយទៅដល់បណ្ដាតំបន់ជាយៗរាជធានី។ បើតាមក្រុមអ្នកជំនាញអចលនទ្រព្យ បានអះអាងថា គម្រោងពង្រីកផ្លូវខ្សែក្រវាត់ក្រុងកាន់តែច្រើននេះ មិនត្រឹមតែជួយរំដោះចរាចរណ៍ក្នុងក្រុងប៉ុណ្ណោះទេ ថែមទាំងផ្តល់ឱកាសជាច្រើនដល់ អាជីវករក្នុងការបង្កើតអាជីវកម្មកាន់តែច្រើន ដែលនឹងជំរុញឲ្យទីផ្សារអចលនទ្រព្យកាន់តែមានតម្លៃកើនឡើងជាបន្តបន្ទាប់ផងដែរ។