#ផ្សារហ៊ុនកម្ពុជា

ទោះបីសេដ្ឋកិច្ចកម្ពុជា ក៏ដូចជានៅលើពិភពលោកបន្តស្ថិតក្នុងភាពមិនច្បាស់លាស់ តែវាមិនបានជះឥទ្ធិពលធ្ងន់ធ្ងរដល់ទីផ្សារភាគហ៊ុនរបស់កម្ពុជានោះទេ ដោយមានក្រុមហ៊ុនបានចុះបញ្ជីបោះផ្សាយលក់ភាគហ៊ុន និងសញ្ញាបណ្ណជាបន្តបន្ទាប់ ដើម្បីកៀរគរទុនសម្រាប់ទ្រទ្រង់ និងពង្រីកប្រតិបត្តិការរបស់ខ្លួន។ ការណ៍នេះបានជំរុញឱ្យថ្នាក់ដឹកនាំផ្សារមូលបត្រកម្ពុជារំពឹង ការកៀរគរទុនពីទីផ្សារភាគហ៊ុននៅកម្ពុជា នឹងកើនឡើងចន្លោះពី៥០០លានដុល្លារ ដល់១,០០០លានដុល្លារក្នុង១ឆ្នាំនៅប៉ុន្មានឆ្នាំខាងមុខនេះ ខណៈនៅឆ្នាំ២០២៥ ការកៀរគរទុនមានរង្វង់ជិត៣០០លានដុល្លារ។