#បន្ធូរវិបត្តិតម្លៃស្បៀង

ប្រេសិតរុស្ស៊ីប្រចាំអង្គការសហប្រជាជាតិនៅទីក្រុងហ្សឺណែវបាននិយាយថា គ្មានហេតុផលអ្វីទៀតដើម្បីរក្សា«ស្ថានភាពដើម»នៃកិច្ចព្រមព្រៀងដឹកគ្រប់ធញ្ញជាតិតាមសមុទ្រខ្មៅទេ។ កិច្ចព្រមព្រៀងដែលមានគោលបំណងដោះស្រាយវិបត្តិតម្លៃស្បៀងនៅលើពិភពលោក ត្រូវផុតកំណត់នៅថ្ងៃទី ១៨ ខែកក្កដាខាងមុខ បើពុំមានការឆ្លើយតបជាវិជ្ជមានទៅនឹងលក្ខខណ្ឌរបស់រុស្ស៊ីដែលជាអ្នកគ្រប់គ្រងផ្លូវនាវាចរណ៍នៅសមុទ្រខ្មៅ។ នេះបើតាមសេចក្ដីរាយការណ៍របស់ទីភ្នាក់ងារសារព័ត៌មានរើយធើ ដោយផ្អែកតាមបទសម្ភាសក្នុងសារព័ត៌មានរុស្សី អ៊ីសវេស្យា (Izvestia) កាលពីថ្ងៃចន្ទ ទី ១ កក្កដា។