#បង់ក្លាដែស

លោកស្រី ស្សេក ហាស៊ីណា (Sheikh Hasina) នាយករដ្ឋមន្ត្រីតជំនាន់របស់បង់ក្លាដែស ដែលជាប្រទេសក្រីក្របំផុតមួយក្នុងពិភពលោក បានបង្ខំចិត្តលាលែងពីតំណែងយ៉ាងតក់ក្រហល់ ហើយបានភៀសខ្លួនតាមឧទ្ធម្ភាគចក្រភ្លាមៗ ក្រោយក្រុមបាតុករសម្រុកចូលកាន់កាប់វិមាននាយករដ្ឋមន្រ្តី។ យោធាបង់ក្លាដែស ដែលកំពុងដឹកនាំប្រទេសបានអះអាងថា រដ្ឋាភិបាលបណ្ដោះអាសន្ននឹងត្រូវបានបង្កើតឡើង ដើម្បីស្ដារស្ថិរភាពក្នុងប្រទេសឡើងវិញ។ តើអ្វីជាហេតុផលចម្បងនៅពីក្រោយមហាបាតុកម្មទម្លាក់នាយករដ្ឋមន្ត្រីបង់ក្លាដែសចេញពីអំណាច ហើយលោកស្រីមានប្រវត្តិបែបណាក្នុងអាជីពនយោបាយ?