#បញ្ហានៅរោងចក្រ Foxconn

វិបត្តិជំងឺកូវីដ១៩នៅក្នុងប្រទេសចិន នៅតែបន្តការរីករាលដាលខ្លាំងក្លា ដែលបង្ខំឱ្យមហាយក្សសេដ្ឋកិច្ចមួយនេះ ត្រូវបិទខ្ទប់នៅកន្លែងជាច្រើនក្រោមគោលនយោបាយសូន្យកូវីដ។ ក្នុងនោះខេត្តហ៊ឺណាន ដែលជាកន្លែងរោងចក្រផលិត iPhone ដ៏ធំបំផុតមួយរបស់ក្រុមហ៊ុន Foxconn នៅក្រុងជីងចូវនោះ ក៏ត្រូវប្រឈមមុខខ្លាំងចំពោះធ្លាក់ចុះផលិតកម្ម និងការនាំចេញរបស់រោងចក្រមួយនេះ ដោយសារកម្មករជាច្រើនបានឆ្លងកូវីដ១៩ និងធ្វើចត្តាឡីស័ក ព្រមទាំងអ្នកខ្លះបានចាកចេញត្រឡប់ទៅស្រុកកំណើតវិញទៀតផង។ នេះបើតាមការចុះផ្សាយរបស់សារព័ត៌មាន South China Morning Post។