#បញ្ហារបស់លោកស្រី អ៊ោង សានស៊ូជី

បញ្ហារបស់លោកស្រី អ៊ោង សានស៊ូជី នៅតែជាប្រធានបទយ៉ាងក្ដៅគគុក និងស្ថិតក្នុងរបៀបវារៈដ៏សំខាន់នៃដំណើរទស្សកិច្ចការងារលើកទី២ ក្នុងតួនាទីជាប្រេសិតពិសេសរបស់ប្រធានអាស៊ាន ទៅកាន់ប្រទេសមីយ៉ាន់ម៉ា។ ក្នុងដំណើរទស្សនកិច្ច រយៈពេល ៥ថ្ងៃក្នុងនាមជាប្រេសិតពិសេសរបស់ប្រធានអាស៊ាន ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិកម្ពុជា បានបង្ហាញពីគោលបំណងរបស់កម្ពុជា ក្នុងការបញ្ជូនក្រុមគ្រូពេទ្យស្ម័គ្រចិត្តរបស់កម្ពុជា ទៅកាន់មីយ៉ាន់ម៉ា ដើម្បីចាក់វ៉ាក់សាំងកូវីដ១៩ ជូនពលរដ្ឋមីយ៉ាន់ម៉ា។