#បើកច្រកព្រំដែនអន្តរជាតិប៉ោយប៉ែត

អ្នកនាំពាក្យរដ្ឋបាលខេត្តបន្ទាយមានជ័យ បានបញ្ជាក់ថា ភាគីកម្ពុជា និងថៃ បានសម្រេចបើកច្រកព្រំដែនអន្តរជាតិប៉ោយប៉ែតឲ្យប្រជាពលរដ្ឋឆ្លងចេញចូលឡើងវិញ ចាប់ពីថ្ងៃទី១ ខែឧសភា បន្ទាប់ពីបិទអស់រយៈជាច្រើនខែ ដោយសារការឆ្លងរាតត្បាតនៃជំងឺកូវីដ-១៩។ ការបើកឡើងវិញនេះ គឺអនុញ្ញាតសម្រាប់តែពលរដ្ឋដែលមានបណ្ណចេញចូលព្រំដែន និងលិខិតឆ្លងដែន និងអ្នកដែលបានចាក់វ៉ាក់សាំងកូវីដ-១៩ គ្រប់ចំនួនប៉ុណ្ណោះ។