ប្អូនស្រីបុរសខ្លាំងកូរ៉េខាងជើង ចេញមុខថ្កោលទោសកូរ៉េខាងត្បូង និងព្រមានកម្ទេចទីក្រុងសេអ៊ូល
ដោយ
ប្អូនស្រីរបស់បុរសខ្លាំងកូរ៉េខាងជើង លោកស្រី គីម យ៉ូជុង បានចេញមុខព្រមានតាមរយៈពេលសេចក្ដីថ្លែងការណ៍នៅថ្ងៃអាទិត្យម្សិលមិញនេះថា កូរ៉េខាងជើងថ្កោលទោសចំពោះការកត់សម្គាល់របស់រដ្ឋ មន្ត្រីការពារជាតិកូរ៉េខាងត្បូង ដែលអួតពីសមត្ថភាពវាយប្រហារទៅលើកូរ៉េខាងជើង ដោយកូរ៉េខាងជើងបានព្រមានថា ខ្លួននឹងកម្ទេចគោលដៅសំខាន់ៗនៅក្នុងទីក្រុងសេអ៊ូលប្រសិនបើកូរ៉េខាងត្បូងចាត់វិធានការ«យោធាដ៏គ្រោះថ្នាក់»ដូចជាការវាយប្រហារទប់ស្កាត់មុនជាដើមនោះ។