កម្ពុជាគ្រោងចំណាយ ៤៦៥លានដុល្លារ សម្រាប់ជួយពលរដ្ឋក្រីក្រ និងងាយរងគ្រោះនៅឆ្នាំ២០២៣
ដោយ
អស់រយៈពេលជាង ២ឆ្នាំកន្លងមកនេះ រាជរដ្ឋាភិបាល បានផ្ដល់ប្រាក់ឧបត្ថម្ភប្រចាំខែជូនគ្រួសារក្រីក្រ និងងាយរងគ្រោះ ដោយសារកូវីដ១៩ និងគ្រោះទឹកជំនន់សរុបប្រមាណជាង ៧០ម៉ឺនគ្រួសារ ដែលស្មើនឹង ២,៧លាននាក់ នៅទូទាំងប្រទេស។ ដ្បិតថា ឥទ្ធិពលនៃជំងឺកូវីដ-១៩ បានថមថយ ក៏ប៉ុន្តែ រាជរដ្ឋាភិបាលបានកត់សម្គាល់ឃើញថា បញ្ហាដែលកើតឡើងដោយសារសង្រ្គាមរវាងរុស្ស៊ី-អ៊ុយក្រែន នៅតែជិះឥទ្ធិពលអវិជ្ជមានមកលើស្ថានភាពសង្គម-សេដ្ឋកិច្ច និងជីវភាពរស់នៅរបស់ប្រជាជនកម្ពុជា។