#ប្រព័ន្ធបញ្ជរតែមួយជាតិ

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចាត់ទុកការដាក់ឱ្យអនុវត្តជាផ្លូវការនូវប្រព័ន្ធបញ្ជរតែមួយជាតិ គឺជាសមិទ្ធផលថ្មីមួយទៀត សម្រាប់ធ្វើឱ្យប្រសើរឡើងនូវបរិយាកាសធុរកិច្ច ការធ្វើពាណិជ្ជកម្ម និងរុញកំណើនសេដ្ឋកិច្ចនៅកម្ពុជា តាមរយៈការស្នើសុំតែមួយលើករួមគ្នាតាមទម្រង់អេឡិចត្រូនិក។ តាមរយៈការដាក់ឱ្យប្រើប្រាស់នេះ អ្នកជំនាញសេដ្ឋកិច្ចអះអាងថាវា នឹងជួយសម្រួលនីតិវិធីសម្រាប់ធ្វើពាណិជ្ជកម្មនាំចេញនាំចូលទំនិញនៅកម្ពុជា ឱ្យកាន់តែប្រសើរឡើង ជាពិសេសចំណេញពេលវេលា និងថវិកាផងដែរ។