#ប្រទេសអតីតសហភាពសូវៀត

ក្រៅពីទីផ្សារសហរដ្ឋអាមេរិក ចិន សហភាពអឺរ៉ុប និងអាស៊ាន កម្ពុជាក៏កំពុងសម្លឹងមើលទីផ្សារនៅប្រទេសមួយចំនួន ដែលជាអតីតទឹកដីសហភាពសូវៀត ដើម្បីពង្រីកការធ្វើពាណិជ្ជកម្មអន្តរជាតិឲ្យកាន់តែល្អប្រសើរបន្ថែមទៀត។ ការដាក់ផែនការងាកទៅរកទីផ្សារលើទឹកដីសហភាពសូវៀតនេះ ក៏ដោយសារកាលពីមុនប្រទេសទាំងនោះធ្លាប់ជាដៃគូពាណិជ្ជកម្មដ៏ល្អរបស់កម្ពុជា ស្របពេលដែលកម្ពុជាសម្លឹងឃើញថា តម្រូវការរបស់របរប្រើប្រាស់ និងស្បៀងអាហារនៅប្រទេសទាំងនោះនឹងមានការកើនឡើង ក្រោយសង្គ្រាមរវាងរុស្ស៊ី និងអ៊ុយក្រែនត្រូវបានបញ្ចប់។