EU យល់ព្រមជាបណ្ដោះអាសន្នកំណត់តម្លៃប្រេងរុស្ស៊ីនៅត្រឹម ៦០ ដុល្លារអាមេរិកក្នុងមួយធុងបារ៉ែល
ដោយ
រដ្ឋាភិបាលនៃប្រទេសសហភាពអឺរ៉ុបបានព្រមព្រៀងគ្នាជាបណ្តោះអាសន្ននៅថ្ងៃព្រហស្បតិ៍ ទី១ ខែធ្នូ ក្នុងការកំណត់តម្លៃប្រេងឆៅរុស្ស៊ីនៅត្រឹម ៦០ដុល្លារក្នុងមួយធុងបារ៉ែល ដែលជាគំនិតផ្តួចផ្តើមរបស់ក្រុមប្រទេសឧស្សាហកម្មជឿនលឿនទាំងប្រាំពីរ (G7) ជាមួយនឹងយន្តការធ្វើយ៉ាងណារក្សាតម្លៃប្រេងឱ្យនៅទាបជាង ៥% នៃទីផ្សារពិភពលោក។ នេះបើតាមមន្ត្រីការទូត និងឯកសារដែលបានឃើញដោយទីភ្នាក់ងារសារព័ត៌មាន រ៉យទ័រ។