#ប្រធាន​សមាគម​ភស្តុ​ភារ​កម្ម​កម្ពុជា

មន្ត្រីជាន់ខ្ពស់ក្រសួងសាធារណការ និងដឹកជញ្ជូនបានប្រាប់ ខេមបូណូមីសថា ភាគីកម្ពុជានិងថៃបានឯកភាពគ្នាលើចំណុចជាច្រើនក្នុងការបើកច្រកព្រំដែនថ្មីស្ទឹងបត់-បាណងអៀនរវាងខេត្តបន្ទាយមានជ័យជាមួយខេត្តស្រះកែវរបស់ថៃ ប៉ុន្តែមិនទាន់អាចបញ្ជាក់ពីពេលវេលាជាក់លាក់បើកច្រកព្រំដែនថ្មីនេះនៅឡើយទេ។ តាមគម្រោងភាគីទាំងពីរ គ្រោងបើកច្រកព្រំដែនស្ទឹងបត់-បាណងអៀន បណ្តោះអាសន្នតាំងពីខែកក្កដា មកម្ល៉េះ តែត្រូវបានពន្យារពេលមកដល់បច្ចុប្បន្ន ដោយសារការរាតត្បាតនៃជំងឺកូវីដ-១៩។