#ប្រធានាធិបតីចិន និងសហរដ្ឋអាមេរិកត្រៀមជួបគ្នាផ្ទាល់ជាលើកដំបូង!

មេដឹកនាំនៃប្រទេសមហាអំណាចទី១ និងទី២របស់ពិភពលោកនឹងណាត់ជួបពិភាក្សាគ្នាផ្ទាល់ជាលើកដំបូងនៅកោះបាលីប្រទេសឥណ្ឌូនេស៊ីនៅថ្ងៃ ចន្ទ ទី ១៤ វិច្ឆិកា មួយថ្ងៃមុនការបើកកិច្ចប្រជុំកំពូលនៃក្រុមប្រទេសឧស្សាហកម្មរីកចម្រើនទាំង២០ (G20) ដែលប្រទេសមហាយក្សទាំងពីរនឹងលើកយកបញ្ហាដូចជាភាពតានតឹងជុំវិញកោះតៃវ៉ាន់ ការមិនរីកសាយភាយនុយក្លេអ៊ែរ និងបញ្ហាសង្គ្រាមពាណិជ្ជកម្មផងនោះ មកដាក់លើតុពិភាក្សាគ្នា នៅចំពេលដែលទំនាក់ទំនងរវាងចិន និងសហរដ្ឋអាមេរិកបាននឹងកំពុងប្រេះស្រាំខ្លាំងឡើងៗ។ នេះបើតាមការចុះផ្សាយដោយសារព័ត៌មានអន្តរជាតិធំៗ។