#ប្រធានគណៈកម្មការអឺរ៉ុប

ប្រធានគណៈកម្មការអឺរ៉ុបលោកស្រី អ៊ូសូឡា វ៉ុន ដ័រ លីយេន កាលពីថ្ងៃអង្គារ បានជំរុញឱ្យមេដឹកនាំប្រទេសអឺរ៉ុបទាំងអស់ បង្ហាញសាមគ្គីភាព និងការរួបរួមគ្នា នៅចំពោះមុខការនិយាយលួងលោមរបស់ប្រទេសចិន។ ការជំរុញបែបនេះបានកើតឡើងនៅមួយសប្តាហ៍ក្រោយពីប្រធានាធិបតីបារាំង លោក អេម៉ានូអែល ម៉ាក្រុង បញ្ចប់ដំណើរទស្សនកិច្ចនៅប្រទេសចិន និងបានបង្ហាញជំហរមិនច្បាស់លាស់ និងគួរឱ្យឆ្ងល់ ជុំវិញទំនាក់ទំនងជាមួយទីក្រុងប៉េកាំង និងទីក្រុងវ៉ាស៊ីនតោន។ នេះបើតាមការចុះផ្សាយដោយសារព័ត៌មានបារាំង AFP។